ab raha kya hai jo ab aae hain aane wale

ab rahā kyā hai jo ab aa.e haiñ aane vaale

jaan par khel chuke jaan se jaane vaale

ye na samjhe the ki ye din bhī haiñ aane vaale

uñgliyāñ ham pe uThā.eñge uThāne vaale

kaun samjhā.e na iThlā ke sar-e-rah chaliye

haiñ ye andāz gunahgār banāne vaale

pūchhne tak ko na aayā koī allāh allāh

thak ga.e paañv kī zanjīr bajāne vaale

kahīñ ronā na paḌe tujh ko zamāne ke saath

are o vaqt kī jhankār par gaane vaale

aap andāz-e-nazar apnā badalte hī nahīñ

aur bure bante haiñ bechāre zamāne vaale

pūchhtī hai dar-o-dīvār se bīmār kī aañkh

ab kahāñ haiñ vo mire naaz uThāne vaale

ba-ḳhudā bhuul ga.e apnī musībat 'bismil'

yaad jab aa.e mohammad ke gharāne vaale

ab raha kya hai jo ab aae hain aane wale

jaan par khel chuke jaan se jaane wale

ye na samjhe the ki ye din bhi hain aane wale

ungliyan hum pe uThaenge uThane wale

kaun samjhae na iThla ke sar-e-rah chaliye

hain ye andaz gunahgar banane wale

puchhne tak ko na aaya koi allah allah

thak gae panw ki zanjir bajaane wale

kahin rona na paDe tujh ko zamane ke sath

are o waqt ki jhankar par gane wale

aap andaz-e-nazar apna badalte hi nahin

aur bure bante hain bechaare zamane wale

puchhti hai dar-o-diwar se bimar ki aankh

ab kahan hain wo mere naz uThane wale

ba-KHuda bhul gae apni musibat 'bismil'

yaad jab aae mohammad ke gharane wale