ab safar raat mein hi karte hain
ab safar raat meñ hī karte haiñ
log ab raushnī se Darte haiñ
rah ke ik shahr-e-be-charāġh meñ ham
roz jiite haiñ roz marte haiñ
yaad aate haiñ saare pas-manzar
naqsh maazī ke jab ubharte haiñ
zindagī yuuñ bikhar ga.ī jaise
TuuT kar aa.ine bikharte haiñ
ghar kī bosīdgī chhupāne ko
rañg dīvār-o-dar meñ bharte haiñ
apne ghar ke qarīb se aksar
ajnabī bin ke ham guzarte haiñ
shaam hotī hai ghar chalo 'ahsan'
saa.e dīvār se utarte haiñ
ab safar raat mein hi karte hain
log ab raushni se Darte hain
rah ke ek shahr-e-be-charagh mein hum
roz jite hain roz marte hain
yaad aate hain sare pas-manzar
naqsh mazi ke jab ubharte hain
zindagi yun bikhar gai jaise
TuT kar aaine bikharte hain
ghar ki bosidgi chhupane ko
rang diwar-o-dar mein bharte hain
apne ghar ke qarib se aksar
ajnabi bin ke hum guzarte hain
sham hoti hai ghar chalo 'ahsan'
sae diwar se utarte hain
- Book : Tiisha (Pg. 55)
- Author : Nawab Ahsan
- Edition : 1991
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
