ab shahr mein aqdar-kushi ek hunar hai
ab shahr meñ aqdār-kushī ek hunar hai
fan jurm hai me.ār-kushī ek hunar hai
dushman se to kyā haq-e-adāvat kā gilā jab
yāroñ ke liye yār-kushī ek hunar hai
kyā kyā hai nadāmat unheñ ab apnī ravish par
kahte the jo kirdār-kushī ek hunar hai
jis daur meñ ho lafz kī hurmat kī tijārat
us daur meñ afkār-kushī ek hunar hai
ḳhātir se jo karnā paḌī kaj-fahm kī tā.īd
lagtā thā ki inkār-kushī ek hunar hai
hairat hai ki vo fan ke parastār haiñ 'anjum'
jin ke liye fankār-kushī ek hunar hai
ab shahr mein aqdar-kushi ek hunar hai
fan jurm hai mear-kushi ek hunar hai
dushman se to kya haq-e-adawat ka gila jab
yaron ke liye yar-kushi ek hunar hai
kya kya hai nadamat unhen ab apni rawish par
kahte the jo kirdar-kushi ek hunar hai
jis daur mein ho lafz ki hurmat ki tijarat
us daur mein afkar-kushi ek hunar hai
KHatir se jo karna paDi kaj-fahm ki taid
lagta tha ki inkar-kushi ek hunar hai
hairat hai ki wo fan ke parastar hain 'anjum'
jin ke liye fankar-kushi ek hunar hai
- Book : Samundar Men Utarta Hon (Pg. 143)
- Author : Anjum Khaliq
- Publication : Khaleeq Publication (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
