اب تک اندھیری رات کا منظر نہیں گیا

اب تک اندھیری رات کا منظر نہیں گیا

سورج نکل چکا ہے مگر ڈر نہیں گیا

دل سے کبھی وہ چاند سا پیکر نہیں گیا

آیا نظر کی راہ تو باہر نہیں گیا

ساحل تمام عمر یوںہی تشنہ لب رہا

پیاسے کے پاس اٹھ کے سمندر نہیں گیا

سارا وجود کرچیاں بن کر بکھر گیا

شیشے سے بچ کے ایک بھی پتھر نہیں گیا

تازہ ہوا کی قدر وہ جانے تو کس طرح

وہ تو کبھی بھی شہر سے باہر نہیں گیا

کیا ہے یہ تپشؔ یہ کسی کو پتہ نہیں

باہر سے سب ملے کوئی اندر نہیں گیا