ab tak isi KHayal mein uljha hua hun main

ab tak isī ḳhayāl meñ uljhā huā huuñ maiñ

apne badal ga.e haiñ ki badlā huā huuñ maiñ

dīvār-o-dar ko dekh ke lagtā hai dilbarā

terī galī se pahle bhī guzrā huā huuñ maiñ

bikhre hue se baal haiñ dāman hai taar taar

puurī tarah se hijr meñ sañvarā huā huuñ maiñ

shāyad ki ek roz vo aa kar sameT le

muddat se kū-e-yār meñ bikhrā huā huuñ maiñ

bāda-kashī ke ba.ad to aayā huuñ hosh meñ

duniyā samajh rahī hai ki bahkā huā huuñ maiñ

yā-rab ye zindagānī meñ kaisā jumūd hai

Thahrā huā hai vaqt yā Thahrā huā huuñ maiñ

aayā huuñ apne shahr to lagtā hai yuuñ 'zakī'

jaise ki ek dasht meñ bhaTkā huā huuñ maiñ

ab tak isi KHayal mein uljha hua hun main

apne badal gae hain ki badla hua hun main

diwar-o-dar ko dekh ke lagta hai dilbara

teri gali se pahle bhi guzra hua hun main

bikhre hue se baal hain daman hai tar tar

puri tarah se hijr mein sanwara hua hun main

shayad ki ek roz wo aa kar sameT le

muddat se ku-e-yar mein bikhra hua hun main

baada-kashi ke baad to aaya hun hosh mein

duniya samajh rahi hai ki bahka hua hun main

ya-rab ye zindagani mein kaisa jumud hai

Thahra hua hai waqt ya Thahra hua hun main

aaya hun apne shahr to lagta hai yun 'zaki'

jaise ki ek dasht mein bhaTka hua hun main