ab tak jo dur hai wo riyazat safar mein hai

ab tak jo duur hai vo riyāzat safar meñ hai

manzil qarīb-tar hai magar ik bhañvar meñ hai

dukh dard 'ishq aas kā partav huuñ maiñ sanam

aañsū ḳhushī jafā kā asar mujh shajar meñ hai

ye jo panap rahī hai mohabbat diloñ meñ yaar

ye jism kī talab hai jo har ik nagar meñ hai

is qadr baḌh ga.ī hai havas mard meñ ki ab

'izzat kī fikr hai to tavā.if ki Dar meñ hai

ye jhuuT bolnā bhī nafāsat kā kaam hai

aur ye hunar faqat mire maulā bashar meñ hai

bachpan meñ jis za.īfa ko dekhā thā chāñd meñ

vo ab bhī charḳha kaat rahī hai qamar meñ hai

har daur ke luTere ne luuTā hai ye vatan

par is ko kyā ḳhabar vo hamārī ḳhabar meñ hai

ab tak jo dur hai wo riyazat safar mein hai

manzil qarib-tar hai magar ek bhanwar mein hai

dukh dard 'ishq aas ka partaw hun main sanam

aansu KHushi jafa ka asar mujh shajar mein hai

ye jo panap rahi hai mohabbat dilon mein yar

ye jism ki talab hai jo har ek nagar mein hai

is qadr baDh gai hai hawas mard mein ki ab

'izzat ki fikr hai to tawaif ki Dar mein hai

ye jhuT bolna bhi nafasat ka kaam hai

aur ye hunar faqat mere maula bashar mein hai

bachpan mein jis zaifa ko dekha tha chand mein

wo ab bhi charKHa kat rahi hai qamar mein hai

har daur ke luTere ne luTa hai ye watan

par is ko kya KHabar wo hamari KHabar mein hai