ab talak haq nahin pacchane wah-wah

ab talak haq nahiñ pacchāne vāh-vāh

jaan ko apnī na jaane vāh-vāh

tum jo karte ho faraz roza namāz

mahz aalam ko dikhāne vāh-vāh

muft khoī umr daane ghāñs meñ

phir kahāte ho siyāne vāh-vāh

māl-o-zar farzand kī rakh kar talab

ho rahe haq suuñ aghāne vāh-vāh

haq kī ḳhilqat meñ magar paidā hue

tum mahz khāne pakāne vāh-vāh

khopaḌī ulTī uñdhī ke haath suuñ

aiñTh chalte ho utāne vāh-vāh

haiñ yagāne aqrbāñ ḳhveshāñ satī

aap apne suuñ begāne vāh-vāh

pūchhte haiñ sab nafā nuqsān ko

sar diye paisā kamāne vāh-vāh

āshiqāñ ko bolte haiñ ai 'alīm'

ḳhalq duniyā ke divāne vāh-vāh

ab talak haq nahin pacchane wah-wah

jaan ko apni na jaane wah-wah

tum jo karte ho faraz roza namaz

mahz aalam ko dikhane wah-wah

muft khoi umr dane ghans mein

phir kahate ho siyane wah-wah

mal-o-zar farzand ki rakh kar talab

ho rahe haq sun aghane wah-wah

haq ki KHilqat mein magar paida hue

tum mahz khane pakane wah-wah

khopaDi ulTi undhi ke hath sun

ainTh chalte ho utane wah-wah

hain yagane aqrban KHweshan sati

aap apne sun begane wah-wah

puchhte hain sab nafa nuqsan ko

sar diye paisa kamane wah-wah

aashiqan ko bolte hain ai 'alim'

KHalq duniya ke diwane wah-wah