ab tamasha hi tamasha hai har ek su jaanan

ab tamāshā hī tamāshā hai har ik sū jānāñ

sab but-o-but-gar-o-but-zād haiñ ham-ḳhū jānāñ

gulshan-e-izn-e-ḳhudā meñ hai har ik sū mātam

bulbuleñ marg-nashīñ zaaġh haiñ kū-kū jānāñ

kaun kahtā hai mohabbat ke chalan haiñ baaqī

bāġh-e-ḳhākī meñ huā har koī do-rū jānāñ

hai chalī ab ke yahāñ aisī havā-e-masmūm

hai taḌaptā dil-e-maġhmūm ho ḳhushbū jānāñ

daur guzre haiñ bahut tishna-e-ḳhūn-e-ādam

aur nikle haiñ ta'affun se vo bad-rū jānāñ

'āhan'-e-ramz-gushā-e-ġham-e-afkār-o-junūñ

haa.e karte hue kahtā hai vo hū-hū jānāñ

ab tamasha hi tamasha hai har ek su jaanan

sab but-o-but-gar-o-but-zad hain ham-KHu jaanan

gulshan-e-izn-e-KHuda mein hai har ek su matam

bulbulen marg-nashin zagh hain ku-ku jaanan

kaun kahta hai mohabbat ke chalan hain baqi

bagh-e-KHaki mein hua har koi do-ru jaanan

hai chali ab ke yahan aisi hawa-e-masmum

hai taDapta dil-e-maghmum ho KHushbu jaanan

daur guzre hain bahut tishna-e-KHun-e-adam

aur nikle hain ta'affun se wo bad-ru jaanan

'ahan'-e-ramz-gusha-e-gham-e-afkar-o-junun

hae karte hue kahta hai wo hu-hu jaanan