اب تماشا ہی تماشا ہے ہر اک سو جاناں

اب تماشا ہی تماشا ہے ہر اک سو جاناں

سب بت و بت گر و بت زاد ہیں ہم خو جاناں

گلشن اذن خدا میں ہے ہر اک سو ماتم

بلبلیں مرگ نشیں زاغ ہیں کو‌ کو جاناں

کون کہتا ہے محبت کے چلن ہیں باقی

باغ خاکی میں ہوا ہر کوئی دو رو جاناں

ہے چلی اب کے یہاں ایسی ہوائے مسموم

ہے تڑپتا دل مغموم ہو خوشبو جاناں

دور گزرے ہیں بہت تشنۂ خون آدم

اور نکلے ہیں تعفن سے وہ بد رو جاناں

آہنؔ رمز گشائے غم افکار و جنوں

ہائے کرتے ہوئے کہتا ہے وہ ہو ہو جاناں