ab tegh ki baaten hain na talwar ki baaten

ab teġh kī bāteñ haiñ na talvār kī bāteñ

karte nahīñ dīvāne bhī ab daar kī bāteñ

har haath masīhā hai to har god hai mariyam

bīmār samajh lete haiñ bīmār kī bāteñ

kahte haiñ magar ġhair se afsāna-e-jānāñ

jānāñ se kiye jaate haiñ aġhyār kī bāteñ

ādāb-e-rifāqat se shanāsā huī jab se

bulbul ne aqīdat se sunī ḳhaar kī bāteñ

tapte hue sūraj ke tale ūñghtā bachcha

karte raho us se gul o ashjār kī bāteñ

pāband-e-salāsil hai use khul ke sunāo

zanjīr ke qisse kabhī jhankār kī bāteñ

rakh rakh ke tarāzū meñ mirā daftar-e-a.amāl

toleñge gunahgār gunahgār kī bāteñ

ḳhāmoshī meñ pinhāñ hai mire dard kī āvāz

bātoñ se alāva haiñ dil-e-zār kī bāteñ

ab tegh ki baaten hain na talwar ki baaten

karte nahin diwane bhi ab dar ki baaten

har hath masiha hai to har god hai mariyam

bimar samajh lete hain bimar ki baaten

kahte hain magar ghair se afsana-e-jaanan

jaanan se kiye jate hain aghyar ki baaten

aadab-e-rifaqat se shanasa hui jab se

bulbul ne aqidat se suni KHar ki baaten

tapte hue suraj ke tale unghta bachcha

karte raho us se gul o ashjar ki baaten

paband-e-salasil hai use khul ke sunao

zanjir ke qisse kabhi jhankar ki baaten

rakh rakh ke taraazu mein mera daftar-e-amal

tolenge gunahgar gunahgar ki baaten

KHamoshi mein pinhan hai mere dard ki aawaz

baaton se alawa hain dil-e-zar ki baaten