ab tir-e-sitam dil pe jo chal jae to achchha

ab tīr-e-sitam dil pe jo chal jaa.e to achchhā

hasrat mire qātil kī nikal jaa.e to achchhā

aanā hai to aa jaao ki phir ham na mileñge

kuchh din dil-e-dīvāna sañbhal jaa.e to achchhā

hai maut to bar-haq magar us shoḳh kī ḳhātir

kuchh din ke liye aur jo Tal jaa.e to achchhā

piine do mujhe aaj mirā haath na roko

ye jaan ab is tan se nikal jaa.e to achchhā

ab us ke sitam hoñ ki karam yaad na kiije

ye hijr kī shab hai yūñhī Tal jaa.e to achchhā

saaqī se hameñ koī shikāyat nahīñ lekin

maiḳhāne kā dastūr badal jaa.e to achchhā

ik umr 'ayāz' us kī tamanna meñ kaTī hai

ab rang-e-tabī.at jo badal jaa.e to achchhā

ab tir-e-sitam dil pe jo chal jae to achchha

hasrat mere qatil ki nikal jae to achchha

aana hai to aa jao ki phir hum na milenge

kuchh din dil-e-diwana sanbhal jae to achchha

hai maut to bar-haq magar us shoKH ki KHatir

kuchh din ke liye aur jo Tal jae to achchha

pine do mujhe aaj mera hath na roko

ye jaan ab is tan se nikal jae to achchha

ab us ke sitam hon ki karam yaad na kije

ye hijr ki shab hai yunhi Tal jae to achchha

saqi se hamein koi shikayat nahin lekin

maiKHane ka dastur badal jae to achchha

ek umr 'ayaz' us ki tamanna mein kaTi hai

ab rang-e-tabiat jo badal jae to achchha