اب تو آئے نظر میں جو بھی ہو
نیند کے بام و در میں جو بھی ہو
جسم و جاں کا مکاں ہوا خالی
ایسے تنہا سفر میں جو بھی ہو
گونجتے ہیں فضا میں سناٹے
ٹوٹنے کے اثر میں جو بھی ہو
گم تو ہوگا ستارۂ شب دل
کم ہے اس رات بھر میں جو بھی ہو
دھوپ ہو ابر ہو کہ سایۂ گل
اب تو اس رہ گزر میں جو بھی ہو
خاورؔ اس سبز خیمۂ گل تک
اس کڑی دوپہر میں جو بھی ہو
- کتاب : siip (Magzin) (Pg. 264)
- Author : Fikr-e-Nau
- مطبع : Fikr-e-Nau ( 39 (Quarterly) )
- اشاعت : 39 (Quarterly)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.