ab to bosida ho chale hain hum
ab to bosīda ho chale haiñ ham
TūTne phūTne lage haiñ ham
zaḳhm-e-dil kī kasak chhupāne ko
jism par ghaav chāhte haiñ ham
ab nahīñ fikr-e-sūd ranj-e-ziyāñ
ḳhvār honā thā ho chuke haiñ ham
ab sabhī kuchh hameñ gavārā hai
haa.e kitne badal ga.e haiñ ham
ham se dāman bachā ke chaltī hai
ai sabā tujh ko jānte haiñ ham
rāhbar ke baġhair hī 'ahsan'
na.ī rāhoñ pe chal sake haiñ ham
ab to bosida ho chale hain hum
TuTne phuTne lage hain hum
zaKHm-e-dil ki kasak chhupane ko
jism par ghaw chahte hain hum
ab nahin fikr-e-sud ranj-e-ziyan
KHwar hona tha ho chuke hain hum
ab sabhi kuchh hamein gawara hai
hae kitne badal gae hain hum
hum se daman bacha ke chalti hai
ai saba tujh ko jaante hain hum
rahbar ke baghair hi 'ahsan'
nai rahon pe chal sake hain hum
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
