ab to daraaz ek bhi dast-e-dua nahin

ab to darāz ek bhī dast-e-duā nahīñ

sab haiñ ḳhudā yahāñ pe koī nā-ḳhudā nahīñ

qadreñ badal chukī haiñ junūn-e-vafā kī ab

shart-e-vafā badal do koī bevafā nahīñ

dekho galī meñ tum ko sadā de rahā hai kaun

āvāz dene vaale sabhī to gadā nahīñ

'iqbāl' ban ke shikva karo to hai baat kuchh

is daur meñ tarīqa-e-'hālī' ravā nahīñ

maiñ zindagī ke shahr meñ naġhmoñ kī jaan thā

sahrā kā ab sukūt huuñ koī sadā nahīñ

ab le chalo 'umar' kisī maiḳhāne meñ mujhe

dair-o-haram meñ mere maraz kī davā nahīñ

ab to daraaz ek bhi dast-e-dua nahin

sab hain KHuda yahan pe koi na-KHuda nahin

qadren badal chuki hain junun-e-wafa ki ab

shart-e-wafa badal do koi bewafa nahin

dekho gali mein tum ko sada de raha hai kaun

aawaz dene wale sabhi to gada nahin

'iqbaal' ban ke shikwa karo to hai baat kuchh

is daur mein tariqa-e-'haali' rawa nahin

main zindagi ke shahr mein naghmon ki jaan tha

sahra ka ab sukut hun koi sada nahin

ab le chalo 'umar' kisi maiKHane mein mujhe

dair-o-haram mein mere maraz ki dawa nahin