ab to jine ki koi aas nahin

ab to jiine kī koī aas nahīñ

terī yādeñ bhī mere paas nahīñ

siikh lete haiñ vo fan-e-ulfat

dair meñ ishq kā class nahīñ

dekh luuñ terī nargisī āñkheñ

aur koī bhī mujh ko pyaas nahīñ

pī rahā huuñ maiñ ashk-e-ġham-e-sāqī

mai se labrez ye gilās nahīñ

jab se mujh se bichhaḌ gayā koī

zindagī aa.ī mujh ko raas nahīñ

sahn-e-gulshan ke phuul sharmā.e

koī bhī tujh sā ḳhush-libās nahīñ

jo thā qismat meñ vo nazar aayā

ġham meñ bhī rah ke maiñ udaas nahīñ

ab to jine ki koi aas nahin

teri yaaden bhi mere pas nahin

sikh lete hain wo fan-e-ulfat

dair mein ishq ka class nahin

dekh lun teri nargisi aankhen

aur koi bhi mujh ko pyas nahin

pi raha hun main ashk-e-gham-e-saqi

mai se labrez ye gilas nahin

jab se mujh se bichhaD gaya koi

zindagi aai mujh ko ras nahin

sahn-e-gulshan ke phul sharmae

koi bhi tujh sa KHush-libas nahin

jo tha qismat mein wo nazar aaya

gham mein bhi rah ke main udas nahin