ab to jis roz se ruThi hai mohabbat uski
ab to jis roz se ruThi hai mohabbat uski
Shees Mohammad Ismail Azmi
MORE BYShees Mohammad Ismail Azmi
ab to jis roz se rūThī hai mohabbat us kī
baḌh ga.ī aur bhī pahle se zarūrat us kī
lauh-e-har-zaḳhm pe tahrīr hai us kā mazmūn
naqsh hai har varaq-e-dil pe ibārat us kī
jism to merā thā dil us kā thā jaañ us kī thī
merī jāgīr thī chaltī thī hukūmat us kī
shor-e-fariyād sunā.eñ to sunā.eñ kis ko
hashr us kā hai ḳhudā us kā qayāmat us kī
dekh kar 'āzmī' us ko to baḌā ranj huā
vaqt ne kaisī badal Daalī hai sūrat us kī
ab to jis roz se ruThi hai mohabbat us ki
baDh gai aur bhi pahle se zarurat us ki
lauh-e-har-zaKHm pe tahrir hai us ka mazmun
naqsh hai har waraq-e-dil pe ibarat us ki
jism to mera tha dil us ka tha jaan us ki thi
meri jagir thi chalti thi hukumat us ki
shor-e-fariyaad sunaen to sunaen kis ko
hashr us ka hai KHuda us ka qayamat us ki
dekh kar 'azmi' us ko to baDa ranj hua
waqt ne kaisi badal Dali hai surat us ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
