ab to mujhko man ke dushman

ab to mujh ko maan ke dushman

dost bane haiñ jaan ke dushman

gaañv meñ bhī haiñ shahroñ meñ bhī

har sū haiñ insān ke dushman

dushman hai jo insānoñ kā

ham haiñ us haivān ke dushman

mere bhī haiñ dushman vo log

jo haiñ hindostān ke dushman

aap ke apne haiñ ālī-jāh

ġhair nahīñ sultān ke dushman

galiyoñ galiyoñ zulfeñ khole

phirte haiñ īmān ke dushman

bojh kamāl 'anvar' haiñ ghar par

āñgan aur dālān ke dushman

ab to mujh ko man ke dushman

dost bane hain jaan ke dushman

ganw mein bhi hain shahron mein bhi

har su hain insan ke dushman

dushman hai jo insanon ka

hum hain us haiwan ke dushman

mere bhi hain dushman wo log

jo hain hindostan ke dushman

aap ke apne hain aali-jah

ghair nahin sultan ke dushman

galiyon galiyon zulfen khole

phirte hain iman ke dushman

bojh kamal 'anwar' hain ghar par

aangan aur dalan ke dushman