ab to mumkin hi nahin raaz ka pinhan hona
ab to mumkin hi nahin raaz ka pinhan hona
Mohammad Mirza Wasif Rudaulvi
MORE BYMohammad Mirza Wasif Rudaulvi
ab to mumkin hī nahīñ raaz kā pinhāñ honā
ho chukā thā jo kuchh ai dīda-e-giryāñ honā
dil-e-barbād meñ yād-e-ruḳh-e-jānāñ honā
is ko kahte haiñ bayābāñ kā gulistāñ honā
vo bhalā kyā kare jam.īyat-e-ḳhātir kī havas
un ko masrūr kare jis kā pareshāñ honā
asl to ye hai ki ushshāq ne ai mālik-e-husn
terī zulfoñ hī se sīkhā hai pareshāñ honā
jab ki duniyā se koī chiiz bhī jā.egī na saath
'vāsif' achchhā to hai phir be-sar-o-sāmāñ honā
ab to mumkin hi nahin raaz ka pinhan hona
ho chuka tha jo kuchh ai dida-e-giryan hona
dil-e-barbaad mein yaad-e-ruKH-e-jaanan hona
is ko kahte hain bayaban ka gulistan hona
wo bhala kya kare jamiyat-e-KHatir ki hawas
un ko masrur kare jis ka pareshan hona
asl to ye hai ki ushshaq ne ai malik-e-husn
teri zulfon hi se sikha hai pareshan hona
jab ki duniya se koi chiz bhi jaegi na sath
'wasif' achchha to hai phir be-sar-o-saman hona
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
