ab to wo bhi mujhko talqin-e-shakebai kare

ab to vo bhī mujh ko talqīn-e-shakebā.ī kare

koī kis se shikva-e-āshob-e-tanhā.ī kare

guftugū sab se ba-andāz-e-pazīrā.ī kare

aur sau sau tarah mujh se hīla-ārā.ī kare

kyā kare vo bhī ki dastūr-e-zamāna hai yahī

be-ruḳhī apnoñ se ġhairoñ se shanāsā.ī kare

kyoñ hamārī chāra-jūī ke liye aa.e koī

kis ko fursat hai ki taklīf-e-masīhā.ī kare

phir usī ku-e-malāmat kī tamanna dil meñ hai

aa.e ab koī hamārī himmat-afzā.ī kare

kyā milā fankār ko sang-e-malāmat ke sivā

kyoñ lahū dil kā jalā.e ḳhāma-farsā.ī kare

ab to wo bhi mujh ko talqin-e-shakebai kare

koi kis se shikwa-e-ashob-e-tanhai kare

guftugu sab se ba-andaz-e-pazirai kare

aur sau sau tarah mujh se hila-arai kare

kya kare wo bhi ki dastur-e-zamana hai yahi

be-ruKHi apnon se ghairon se shanasai kare

kyon hamari chaara-jui ke liye aae koi

kis ko fursat hai ki taklif-e-masihai kare

phir usi ku-e-malamat ki tamanna dil mein hai

aae ab koi hamari himmat-afzai kare

kya mila fankar ko sang-e-malamat ke siwa

kyon lahu dil ka jalae KHama-farsai kare