ab to ye soch ke bhi dil mera ghabraata hai

ab to ye soch ke bhī dil mirā ghabrātā hai

sub.h kā bhūlā huā shaam ko ghar aatā hai

ek ik karke bujhe jaate haiñ raḳhshanda nujūm

ek tū hai jo ba-har-samt nazar aatā hai

ab tirā ḳhvāb bhī ik paikar-e-sīmīñ kī tarah

āsmānoñ se mire dil meñ utar aatā hai

lazzat-e-sañg kī ḳhātir hī bayābāñ se koī

chhoḌ kar baaġh sar-e-rāh guzar aatā hai

dil kī dahlīz se jaatā hai jo ik marmarīñ jism

har taraf ghuum ke bā-dīda-e-tar aatā hai

jism thak kar bhī nahīñ raah meñ ruktā pal bhar

dil magar us ke shabistāñ meñ Thahar aatā hai

ab to ye soch ke bhi dil mera ghabraata hai

subh ka bhula hua sham ko ghar aata hai

ek ek karke bujhe jate hain raKHshanda nujum

ek tu hai jo ba-har-samt nazar aata hai

ab tera KHwab bhi ek paikar-e-simin ki tarah

aasmanon se mere dil mein utar aata hai

lazzat-e-sang ki KHatir hi bayaban se koi

chhoD kar bagh sar-e-rah guzar aata hai

dil ki dahliz se jata hai jo ek marmarin jism

har taraf ghum ke ba-dida-e-tar aata hai

jism thak kar bhi nahin rah mein rukta pal bhar

dil magar us ke shabistan mein Thahar aata hai