ab wo aaghosh-e-tasawwur se na jaane pae

ab vo āġhosh-e-tasavvur se na jaane paa.e

be-ḳhudī mujh ko kabhī hosh na aane paa.e

hosh is bazm kā parda na uThāne paa.e

aane vaalā koī aape meñ na aane paa.e

mujh pe tākīd mirā raaz na ifshā karnā

ḳhud ye koshish ki ye hargiz na chhupāne paa.e

lab pe ho zikr-e-butāñ dil meñ ho allāh allāh

jaan jaa.e magar īmān na jaane paa.e

be-ḳhudī ne tirā afsāna vahīñ chheḌ diyā

tere dīvāne ke jab hosh Thikāne paa.e

fitne barpā hoñ qayāmat uThī tūfāñ uTThe

tere dar se mujhe koī na uThāne paa.e

terī izzat kī qasam tere sitam bhī haiñ karam

tū satā ġhair mirā dil na dukhāne paa.e

shauq kahtā hai bulāne kī hai ye ḳhaas adā

vo jo kahte haiñ yahāñ koī na aane paa.e

da.avā-e-ishq-e-haqīqī to kiyā hai ai 'yās'

aarzū ġhair kī ab dil meñ na aane paa.e

ab wo aaghosh-e-tasawwur se na jaane pae

be-KHudi mujh ko kabhi hosh na aane pae

hosh is bazm ka parda na uThane pae

aane wala koi aape mein na aane pae

mujh pe takid mera raaz na ifsha karna

KHud ye koshish ki ye hargiz na chhupane pae

lab pe ho zikr-e-butan dil mein ho allah allah

jaan jae magar iman na jaane pae

be-KHudi ne tera afsana wahin chheD diya

tere diwane ke jab hosh Thikane pae

fitne barpa hon qayamat uThi tufan uTThe

tere dar se mujhe koi na uThane pae

teri izzat ki qasam tere sitam bhi hain karam

tu sata ghair mera dil na dukhane pae

shauq kahta hai bulane ki hai ye KHas ada

wo jo kahte hain yahan koi na aane pae

dawa-e-ishq-e-haqiqi to kiya hai ai 'yas'

aarzu ghair ki ab dil mein na aane pae