ab wo sab kuchh kar rahe hain dosti ki aaD mein

ab vo sab kuchh kar rahe haiñ dostī kī aaḌ meñ

ġhair mumkin thā jo shāyad dushmanī kī aaḌ meñ

is qadar naḳhre na kar ai maut aa jā sāmne

kab talak chhup kar rahegī zindagī kī aaḌ meñ

aaj ik mahfil meñ jab us se nazar Takrā ga.ī

ham ne kah dī dil kī bāteñ shā.erī kī aaḌ meñ

ik salīqe se kiyā hai phuul de kar phuul ko

ishq kā iz.hār chaudah farvarī kī aaḌ meñ

pichhlī shab kā vāqi.a ab kyā batā.ūñ dostoñ

chuum aaya chāñd ko maiñ tīrgī kī aaḌ meñ

ab wo sab kuchh kar rahe hain dosti ki aaD mein

ghair mumkin tha jo shayad dushmani ki aaD mein

is qadar naKHre na kar ai maut aa ja samne

kab talak chhup kar rahegi zindagi ki aaD mein

aaj ek mahfil mein jab us se nazar Takra gai

hum ne kah di dil ki baaten shaeri ki aaD mein

ek saliqe se kiya hai phul de kar phul ko

ishq ka izhaar chaudah farwari ki aaD mein

pichhli shab ka waqia ab kya bataun doston

chum aaya chand ko main tirgi ki aaD mein