ab wo ye kah rahe hain meri man jaiye

ab vo ye kah rahe haiñ mirī maan jā.iye

allāh terī shaan ke qurbān jā.iye

bigḌe hue mizāj ko pahchān jā.iye

sīdhī tarah na māniyegā maan jā.iye

kis kā hai ḳhauf rokne vaalā hī kaun hai

har roz kyuuñ na jā.iye mehmān jā.iye

mahfil meñ kis ne aap ko dil meñ chhupā liyā

itnoñ meñ kaun chor hai pahchān jā.iye

haiñ tevrī meñ bal to nigāheñ phirī huī

jaate haiñ aise aane se ausān jā.iye

do mushkileñ haiñ ek jatāne meñ shauq ke

pahle to jaan jā.iye phir maan jā.iye

insān ko hai ḳhāna-e-hastī meñ lutf kyā

mehmān aa.iye to pashemān jā.iye

go vāda-e-visāl ho jhūTā maza to hai

kyuuñ kar na aise jhuuT ke qurbān jā.iye

rah jaa.e ba.ad-e-vasl bhī cheTak lagī huī

kuchh rakhiye kuchh nikāl ke armān jā.iye

achchhī kahī ki ġhair ke ghar tak zarā chalo

maiñ aap kā nahīñ huuñ nigahbān jā.iye

aa.e haiñ aap ġhair ke ghar se khaḌe khaḌe

ye aur ko jatā.iye ehsān, jā.iye

donoñ se imtihān-e-vafā par ye kah diyā

manvā.iye raqīb ko yā maan jā.iye

kyā bad-gumāniyāñ haiñ unheñ mujh ko hukm hai

ghar meñ ḳhudā ke bhī to na mehmān jā.iye

kyā farz hai ki sab mirī bāteñ qubūl haiñ

sun sun ke kuchh na māniye kuchh maan jā.iye

saudā.iyān-e-zulf meñ kuchh to laTak bhī ho

jannat meñ jā.iye to pareshān jā.iye

dil ko jo dekh lo to yahī pyaar se kaho

qurbān jā.iye tire qurbān jā.iye

dil ko jo dekh lo to yahī pyaar se kaho

qurbān jā.iye tire qurbān jā.iye

jaane na dūñgā aap ko be-faisla hue

dil ke muqaddame ko abhī chhān jā.iye

ye to bajā ki aap ko duniyā se kyā ġharaz

jaatī hai jis kī jaan use jaan jā.iye

ġhusse meñ haath se ye nishānī na gir paḌe

dāman meñ le ke merā garebān jā.iye

ye muḳhtasar javāb milā arz-e-vasl par

dil māntā nahīñ ki tirī maan jā.iye

vo āzmūda-kār to hai gar valī nahīñ

jo kuchh batā.e 'dāġh' use maan jā.iye

ab wo ye kah rahe hain meri man jaiye

allah teri shan ke qurban jaiye

bigDe hue mizaj ko pahchan jaiye

sidhi tarah na maniyega man jaiye

kis ka hai KHauf rokne wala hi kaun hai

har roz kyun na jaiye mehman jaiye

mahfil mein kis ne aap ko dil mein chhupa liya

itnon mein kaun chor hai pahchan jaiye

hain tewri mein bal to nigahen phiri hui

jate hain aise aane se ausan jaiye

do mushkilen hain ek jatane mein shauq ke

pahle to jaan jaiye phir man jaiye

insan ko hai KHana-e-hasti mein lutf kya

mehman aaiye to pasheman jaiye

go wada-e-visal ho jhuTa maza to hai

kyun kar na aise jhuT ke qurban jaiye

rah jae baad-e-wasl bhi cheTak lagi hui

kuchh rakhiye kuchh nikal ke arman jaiye

achchhi kahi ki ghair ke ghar tak zara chalo

main aap ka nahin hun nigahban jaiye

aae hain aap ghair ke ghar se khaDe khaDe

ye aur ko jataiye ehsan, jaiye

donon se imtihan-e-wafa par ye kah diya

manwaiye raqib ko ya man jaiye

kya bad-gumaniyan hain unhen mujh ko hukm hai

ghar mein KHuda ke bhi to na mehman jaiye

kya farz hai ki sab meri baaten qubul hain

sun sun ke kuchh na maniye kuchh man jaiye

saudaiyan-e-zulf mein kuchh to laTak bhi ho

jannat mein jaiye to pareshan jaiye

dil ko jo dekh lo to yahi pyar se kaho

qurban jaiye tere qurban jaiye

dil ko jo dekh lo to yahi pyar se kaho

qurban jaiye tere qurban jaiye

jaane na dunga aap ko be-faisla hue

dil ke muqaddame ko abhi chhan jaiye

ye to baja ki aap ko duniya se kya gharaz

jati hai jis ki jaan use jaan jaiye

ghusse mein hath se ye nishani na gir paDe

daman mein le ke mera gareban jaiye

ye muKHtasar jawab mila arz-e-wasl par

dil manta nahin ki teri man jaiye

wo aazmuda-kar to hai gar wali nahin

jo kuchh batae 'dagh' use man jaiye