abhi bahut hai lahu dil mein chashm-e-tar ke liye

abhī bahut hai lahū dil meñ chashm-e-tar ke liye

matā.a-e-fan ke liye zīnat-e-hunar ke liye

hai naaz mujh ko tire rāste kī dhuul banā

mirā vajūd hī thā terī rahguzar ke liye

ajab haiñ ahl-e-havas koī hausla hī nahīñ

na zaḳhm-e-dil ke liye aur na zaḳhm-e-sar ke liye

ġhamoñ ne kho diyā aisā ki muddatoñ se huuñ gum

ḳhud apnī khoj meñ phirtā huuñ maiñ ḳhabar ke liye

vahāñ bahār ke phūloñ se jashn kyā hogā

jahāñ na sang mayassar ho zaḳhm-e-sar ke liye

duā se ishq kī ġhairat ko Thes lagtī hai

duā kī bhiik na māñgūñgā maiñ asar ke liye

abhi bahut hai lahu dil mein chashm-e-tar ke liye

mataa-e-fan ke liye zinat-e-hunar ke liye

hai naz mujh ko tere raste ki dhul bana

mera wajud hi tha teri rahguzar ke liye

ajab hain ahl-e-hawas koi hausla hi nahin

na zaKHm-e-dil ke liye aur na zaKHm-e-sar ke liye

ghamon ne kho diya aisa ki muddaton se hun gum

KHud apni khoj mein phirta hun main KHabar ke liye

wahan bahaar ke phulon se jashn kya hoga

jahan na sang mayassar ho zaKHm-e-sar ke liye

dua se ishq ki ghairat ko Thes lagti hai

dua ki bhik na mangunga main asar ke liye