abhi chaman mein koi fitna-kar baqi hai

abhī chaman meñ koī fitna-kār baaqī hai

bahār baaqī hai zaḳhm-e-bahār baaqī hai

ye intizār kī ghaḌiyāñ kanār-e-jū-e-chashm

umiid Duub chukī e'tibār baaqī hai

tumhāre ruḳh pe haiñ kuchh ajnabī nazar ke nishāñ

tumhāre abrū pe halkā sā baar baaqī hai

sunā hai hind kī shādāb vādiyoñ meñ rafīq

bahār aa bhī chukī hai bahār baaqī hai

ajab nahīñ hai ki shabnam se maut ho jaa.e

guloñ kī tishna-labī be-shumār baaqī hai

tilism-e-ġhair nahīñ tār-e-ankabūt se kam

hazār TuuT chukā hai hazār baaqī hai

mirī bahār kī āsūdgī meñ ai 'mas.ūd'

sunā hai tū hī faqat be-qarār baaqī hai

abhi chaman mein koi fitna-kar baqi hai

bahaar baqi hai zaKHm-e-bahaar baqi hai

ye intizar ki ghaDiyan kanar-e-ju-e-chashm

umid Dub chuki e'tibar baqi hai

tumhaare ruKH pe hain kuchh ajnabi nazar ke nishan

tumhaare abru pe halka sa bar baqi hai

suna hai hind ki shadab wadiyon mein rafiq

bahaar aa bhi chuki hai bahaar baqi hai

ajab nahin hai ki shabnam se maut ho jae

gulon ki tishna-labi be-shumar baqi hai

tilism-e-ghair nahin tar-e-ankabut se kam

hazar TuT chuka hai hazar baqi hai

meri bahaar ki aasudgi mein ai 'masud'

suna hai tu hi faqat be-qarar baqi hai