abhi dast-e-talab phaila rahe hain

abhī dast-e-talab phailā rahe haiñ

du’āoñ ke salīqe aa rahe haiñ

zamīñ kā haq hai jo lauTā rahe haiñ

ham apne aap ko dafnā rahe haiñ

so ab rone kī naubat aa ga.ī hai

hamāre ḳhvāb sūkhe jā rahe haiñ

hameñ kal bhī pasand utnī nahīñ thī

so duniyā aaj bhī Thukrā rahe haiñ

kisī se maañg kar laa.e haiñ jīvan

kisī kā giit hai ham gā rahe haiñ

havāoñ se koī ḳhatra nahīñ hai

diye jalne se kyoñ ghabrā rahe haiñ

ujāle ḳhud-kushī karne chale haiñ

añdhere chār-sū itrā rahe haiñ

abhi dast-e-talab phaila rahe hain

du’aon ke saliqe aa rahe hain

zamin ka haq hai jo lauTa rahe hain

hum apne aap ko dafna rahe hain

so ab rone ki naubat aa gai hai

hamare KHwab sukhe ja rahe hain

hamein kal bhi pasand utni nahin thi

so duniya aaj bhi Thukra rahe hain

kisi se mang kar lae hain jiwan

kisi ka git hai hum ga rahe hain

hawaon se koi KHatra nahin hai

diye jalne se kyon ghabra rahe hain

ujale KHud-kushi karne chale hain

andhere chaar-su itra rahe hain