abhi hai dhyan kahan wasl ke farizon par

abhī hai dhyān kahāñ vasl ke farīzoñ par

abhī vo kāḌhtī phirtī hai dil qamīzoñ par

qayām kartā huuñ aksar maiñ dil ke kamre meñ

ki jam na jaa.e kahīñ gard us kī chīzoñ par

yahī to log masīhā haiñ zindagānī ke

hazār rahmateñ hoñ 'ishq ke marīzoñ par

kisī anār-kalī ke ḳhayāl meñ ab tak

ġhulām-gardisheñ mātam-kunāñ kanīzoñ par

jalā rahī hai mire bādaloñ ke pairāhan

phuvār girtī huī malmalīñ qamīsoñ par

ġhazal kahī hai kisī be-charāġh lamhe meñ

shab-e-firāq ke kājal-zada 'azīzoñ par

ki kis dayār meñ rahnā hai kis ne kitne din

musāfiroñ ke ye likkhā gayā hai visoñ par

vo ġhaur kartī rahī hai tamām din 'mansūr'

mire libās kī uljhī huī krīzoñ par

abhi hai dhyan kahan wasl ke farizon par

abhi wo kaDhti phirti hai dil qamizon par

qayam karta hun aksar main dil ke kamre mein

ki jam na jae kahin gard us ki chizon par

yahi to log masiha hain zindagani ke

hazar rahmaten hon 'ishq ke marizon par

kisi anar-kali ke KHayal mein ab tak

ghulam-gardishen matam-kunan kanizon par

jala rahi hai mere baadalon ke pairahan

phuwar girti hui malmalin qamison par

ghazal kahi hai kisi be-charagh lamhe mein

shab-e-firaq ke kajal-zada 'azizon par

ki kis dayar mein rahna hai kis ne kitne din

musafiron ke ye likkha gaya hai wison par

wo ghaur karti rahi hai tamam din 'mansur'

mere libas ki uljhi hui krizon par