abhi kam-sin hain malumat kitni

abhī kam-sin haiñ mālūmāt kitnī

vo kitne aur un kī baat kitnī

ye mere vāste hai baat kitnī

vo kahte haiñ tirī auqāt kitnī

sahar tak haal kyā hogā hamārā

ḳhudā jaane abhī hai raat kitnī

ye sar hai ye kaleja hai ye dil hai

vo leñge ḳhair se sauġhāt kitnī

tavajjoh se kabhī sun lo mirī baat

jo tum chāho to ye hai baat kitnī

tabī.at kyuuñ na apnī muzmahil ho

rahī ye morid-e-āfāt kitnī

gulistāñ fasl-e-gul meñ luT rahā hai

hinā aa.ī tumhāre haat kitnī

hamāre dil na dene par ḳhafā ho

luTāte ho tumhīñ ḳhairāt kitnī

karo shukr-e-sitam un ke sitam par

ki itnī baat bhī hai baat kitnī

jafā-o-qahr se vāqif na thā maiñ

baḌhī ulfat meñ mālūmāt kitnī

jafā vaale hisāb is kā lagā leñ

vafā kartā huuñ maiñ din raat kitnī

ibādat hazrat-e-zāhid karūñ maiñ

magar ai qibla-e-hājāt kitnī

nahīñ rukte hamāre ashk ai 'nūh'

ye tūfāñ-ḳhez hai barsāt kitnī

abhi kam-sin hain malumat kitni

wo kitne aur un ki baat kitni

ye mere waste hai baat kitni

wo kahte hain teri auqat kitni

sahar tak haal kya hoga hamara

KHuda jaane abhi hai raat kitni

ye sar hai ye kaleja hai ye dil hai

wo lenge KHair se saughat kitni

tawajjoh se kabhi sun lo meri baat

jo tum chaho to ye hai baat kitni

tabiat kyun na apni muzmahil ho

rahi ye morid-e-afat kitni

gulistan fasl-e-gul mein luT raha hai

hina aai tumhaare hat kitni

hamare dil na dene par KHafa ho

luTate ho tumhin KHairaat kitni

karo shukr-e-sitam un ke sitam par

ki itni baat bhi hai baat kitni

jafa-o-qahr se waqif na tha main

baDhi ulfat mein malumat kitni

jafa wale hisab is ka laga len

wafa karta hun main din raat kitni

ibaadat hazrat-e-zahid karun main

magar ai qibla-e-hajat kitni

nahin rukte hamare ashk ai 'nuh'

ye tufan-KHez hai barsat kitni