abhi latafat-e-urdu zaban baqi hai

abhī latāfat-e-urdu zabān baaqī hai

vo bāñkpan vo kalām-o-bayān baaqī hai

mohabbatoñ meñ jo rahtī hai fāsle kī lakīr

abhī vo tere mire darmiyān baaqī hai

nikal ke dekh to bāzār-e-zindagī meñ zarā

mohabbatoñ kī hazāroñ dukān baaqī hai

tū dekh le to tirī aañkh bhī chhalak uTThe

badan pe zaḳhm kā saarā nishān baaqī hai

mujhe ho ḳhauf bhalā kyoñ siyāh rātoñ kā

tire ḳhayāl kā raushan jahān baaqī hai

kitāb-e-ishq-o-mohabbat meñ aaj bhī 'jāzil'

visāl-o-hijr kī ik dāstān baaqī hai

abhi latafat-e-urdu zaban baqi hai

wo bankpan wo kalam-o-bayan baqi hai

mohabbaton mein jo rahti hai fasle ki lakir

abhi wo tere mere darmiyan baqi hai

nikal ke dekh to bazar-e-zindagi mein zara

mohabbaton ki hazaron dukan baqi hai

tu dekh le to teri aankh bhi chhalak uTThe

badan pe zaKHm ka sara nishan baqi hai

mujhe ho KHauf bhala kyon siyah raaton ka

tere KHayal ka raushan jahan baqi hai

kitab-e-ishq-o-mohabbat mein aaj bhi 'jazil'

visal-o-hijr ki ek dastan baqi hai