abhi mohabbat ki ibtida hai dilon ke arman nikal rahe hain

abhī mohabbat kī ibtidā hai diloñ ke armāñ nikal rahe haiñ

abhī hai āġhāz mastiyoñ kā sharāb ke daur chal rahe haiñ

ajiib barsāt kā samāñ hai nazar ko har vaqt ye gumāñ hai

ki husn añgḌā.ī le rahā hai hasīn kapḌe badal rahe haiñ

abhī javānī pe haiñ umañgeñ diloñ meñ haiñ saiñkaḌoñ tarañgeñ

jo do charāġh aaj bujh rahe haiñ to das charāġh aur jal rahe haiñ

qadam qadam par thā ḳhauf-e-tūfāñ jagah jagah thā fanā kā sāmāñ

magar rahe ishq terī himmat mire irāde aTal rahe haiñ

sulag rahe haiñ abhī hamāre diloñ ke ātish-kade musalsal

jalā chuke the abhī jo ham ko ab un kī baarī hai jal rahe haiñ

nahīñ zamāne se koī shikva hameñ gila hai to sirf ye hai

tirī nazar meñ bhī ham ba-rañg-e-shikāyat-e-be-mahal rahe haiñ

huī sahar ḳhatm par hai mahfil uTho ki 'afsar' uchāT hai dil

na husn meñ ab vo dilkashī hai na zulf meñ ab vo hal rahe haiñ

abhi mohabbat ki ibtida hai dilon ke arman nikal rahe hain

abhi hai aaghaz mastiyon ka sharab ke daur chal rahe hain

ajib barsat ka saman hai nazar ko har waqt ye guman hai

ki husn angDai le raha hai hasin kapDe badal rahe hain

abhi jawani pe hain umangen dilon mein hain sainkaDon tarangen

jo do charagh aaj bujh rahe hain to das charagh aur jal rahe hain

qadam qadam par tha KHauf-e-tufan jagah jagah tha fana ka saman

magar rahe ishq teri himmat mere irade aTal rahe hain

sulag rahe hain abhi hamare dilon ke aatish-kade musalsal

jala chuke the abhi jo hum ko ab un ki bari hai jal rahe hain

nahin zamane se koi shikwa hamein gila hai to sirf ye hai

teri nazar mein bhi hum ba-rang-e-shikayat-e-be-mahal rahe hain

hui sahar KHatm par hai mahfil uTho ki 'afsar' uchaT hai dil

na husn mein ab wo dilkashi hai na zulf mein ab wo hal rahe hain