ابھی نخل دل میں کھلاوٹ بہت ہے

ابھی نخل دل میں کھلاوٹ بہت ہے

مجھے اب بھی تم سے لگاوٹ بہت ہے

نہ سرخی نہ غازہ نہ کاجل نہ گجرا

تری سادگی میں سجاوٹ بہت ہے

کبھی فلم نگری سے مرعوب مت ہو

کہ اس میں مکمل بناوٹ بہت ہے

بڑی پرکشش گفتگو ہے زباں پر

مگر دل میں ان کے گراوٹ بہت ہے

نہ صحت بنے گی نہ طاقت ملے گی

دوا میں غذا میں ملاوٹ بہت ہے

یہ علم اور تحقیق کے مشغلوں میں

نہ محسوس ہوتی تھکاوٹ بہت ہے

پرائے ہی بڑھ کر مرے کام آئے

اب اپنوں میں نادرؔ رکاوٹ بہت ہے