abhi niklo na ghar se tang aa ke
abhī niklo na ghar se tañg aa ke
abhī achchhe nahīñ tevar havā ke
falak se maiñ chalā shabnam kī sūrat
zamīñ ne rakh diyā patthar banā ke
mire zaḳhmī laboñ par kuchh nahīñ hai
sivā.e ek lafz-e-be-navā ke
hamārī ḳhāmushī ne laaj rakh lī
nahīñ to haath kaT jaa.e sadā ke
badan ḳhushbū kā larzāñ ḳhauf se hai
havā ko rāz-e-dil apnā sunā ke
saroñ ke diip haiñ nezoñ pe raushan
maiñ kaise dekhūñ manzar karbalā ke
tumhāre qatl kī ḳhabreñ chhapī haiñ
'firāq' aḳhbār to dekho uThā ke
abhi niklo na ghar se tang aa ke
abhi achchhe nahin tewar hawa ke
falak se main chala shabnam ki surat
zamin ne rakh diya patthar bana ke
mere zaKHmi labon par kuchh nahin hai
siwae ek lafz-e-be-nawa ke
hamari KHamushi ne laj rakh li
nahin to hath kaT jae sada ke
badan KHushbu ka larzan KHauf se hai
hawa ko raaz-e-dil apna suna ke
saron ke dip hain nezon pe raushan
main kaise dekhun manzar karbala ke
tumhaare qatl ki KHabren chhapi hain
'firaq' aKHbar to dekho uTha ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
