abhi saz-e-dil mein tarane bahut hain
abhī sāz-e-dil meñ tarāne bahut haiñ
abhī zindagī ke bahāne bahut haiñ
ye duniyā haqīqat kī qaa.il nahīñ hai
fasāne sunāo fasāne bahut haiñ
tire dar ke bāhar bhī duniyā paḌī hai
kahīñ jā raheñge Thikāne bahut haiñ
mirā ik nasheman jalā bhī to kyā hai
chaman meñ abhī āshiyāne bahut haiñ
na.e giit paidā hue haiñ unhīñ se
jo pur-soz naġhme purāne bahut haiñ
dar-e-ġhair par bhiik māñgo na fan kī
jab apne hī ghar meñ ḳhazāne bahut haiñ
haiñ din bad-mazāqī ke 'naushād' lekin
abhī tere fan ke divāne bahut haiñ
abhi saz-e-dil mein tarane bahut hain
abhi zindagi ke bahane bahut hain
ye duniya haqiqat ki qail nahin hai
fasane sunao fasane bahut hain
tere dar ke bahar bhi duniya paDi hai
kahin ja rahenge Thikane bahut hain
mera ek nasheman jala bhi to kya hai
chaman mein abhi aashiyane bahut hain
nae git paida hue hain unhin se
jo pur-soz naghme purane bahut hain
dar-e-ghair par bhik mango na fan ki
jab apne hi ghar mein KHazane bahut hain
hain din bad-mazaqi ke 'naushad' lekin
abhi tere fan ke diwane bahut hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
