abhi shab hai mai-e-ulfat unDelen
abhī shab hai mai-e-ulfat uñDeleñ
magar din meñ gharoñ ke rāste leñ
chalo ruk jaa.eñ bahr-e-dīd ham bhī
darīche par jhukī jaatī haiñ beleñ
ḳhudāyā kaash ye hiire sī āñkheñ
mohabbat kī kaḌī baazī na kheleñ
irāda hai na pahchāneñ use ham
tamannā ko ye zid bāhoñ meñ le leñ
bahut arsa rahe haiñ saath us ke
so ab tanhā.ī bhī kuchh roz jheleñ
hai dil meñ zabt aur āñkhoñ meñ aañsū
tasādum ko baḌhī aatī haiñ raileñ
ye ghar haiñ yā ba-vaqt-e-shām 'sājid'
svāgat ke liye khultī haiñ jeleñ
abhi shab hai mai-e-ulfat unDelen
magar din mein gharon ke raste len
chalo ruk jaen bahr-e-did hum bhi
dariche par jhuki jati hain belen
KHudaya kash ye hire si aankhen
mohabbat ki kaDi bazi na khelen
irada hai na pahchanen use hum
tamanna ko ye zid bahon mein le len
bahut arsa rahe hain sath us ke
so ab tanhai bhi kuchh roz jhelen
hai dil mein zabt aur aankhon mein aansu
tasadum ko baDhi aati hain railen
ye ghar hain ya ba-waqt-e-sham 'sajid'
swagat ke liye khulti hain jelen
- Book : siip (Magzin) (Pg. 270)
- Author : Nasiim Durraani
- Publication : Fikr-e-Nau (39 (Quarterly) )
- Edition : 39 (Quarterly)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
