abhi tak jab hamein jina na aaya
abhī tak jab hameñ jiinā na aayā
bharosā kyā ki kal aayā na aayā
jale ham yuuñ ki jaise chob-e-nam hoñ
charāġhoñ kī tarah jalnā na aayā
ġhuleleñ lā ke bachche pūchhte haiñ
parinda kyuuñ vo dobārā na aayā
maiñ kyā kahtā ki sab ke saath meñ thā
ayādat ko bhī vo tanhā na aayā
ihāta chahār-dīvārī añdherā
kisī jānib bhī darvāza na aayā
vo pahle kī tarah bichhḌā hai ab bhī
magar ab ke hameñ ronā na aayā
ḳhazāna le uḌā choroñ kā jatthā
palaT kar phir alī-bābā na aayā
abhi tak jab hamein jina na aaya
bharosa kya ki kal aaya na aaya
jale hum yun ki jaise chob-e-nam hon
charaghon ki tarah jalna na aaya
ghulelen la ke bachche puchhte hain
parinda kyun wo dobara na aaya
main kya kahta ki sab ke sath mein tha
ayaadat ko bhi wo tanha na aaya
ihata chahaar-diwari andhera
kisi jaanib bhi darwaza na aaya
wo pahle ki tarah bichhDa hai ab bhi
magar ab ke hamein rona na aaya
KHazana le uDa choron ka jattha
palaT kar phir ali-baba na aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
