abhi to par bhi nahin taulta uDan ko main

abhī to par bhī nahīñ taultā uḌaan ko maiñ

bilā-javāz khaTaktā huuñ āsmān ko maiñ

mufāhamat na sikhā dushmanoñ se ai sālār

tirī taraf na kahīñ moḌ duuñ kamān ko maiñ

mirī talab kī koī chiiz shash-jihat meñ nahīñ

hazār chhān chukā huuñ tirī dukān ko maiñ

nahīñ qubūl mujhe koī bhī na.ī hijrat

kaTā.ūñ kyuuñ kisī balve meñ ḳhāndān ko maiñ

tujhe naḳhīl-e-falak se paTaḳh na duuñ āḳhir

tire samet girā hī na duuñ machān ko maiñ

ye kā.enāt mire sāmne hai misl-e-bisāt

kahīñ junūñ meñ ulaT duuñ na is jahān ko maiñ

jise pahuñch nahīñ saktā falāsfa kā shu.ūr

yaqīñ ke saath milātā huuñ us gumān ko maiñ

abhi to par bhi nahin taulta uDan ko main

bila-jawaz khaTakta hun aasman ko main

mufahamat na sikha dushmanon se ai salar

teri taraf na kahin moD dun kaman ko main

meri talab ki koi chiz shash-jihat mein nahin

hazar chhan chuka hun teri dukan ko main

nahin qubul mujhe koi bhi nai hijrat

kaTaun kyun kisi balwe mein KHandan ko main

tujhe naKHil-e-falak se paTaKH na dun aaKHir

tere samet gira hi na dun machan ko main

ye kaenat mere samne hai misl-e-bisat

kahin junun mein ulaT dun na is jahan ko main

jise pahunch nahin sakta falasfa ka shuur

yaqin ke sath milata hun us guman ko main