abhi zamin ko haft aasman banana hai
abhī zamīn ko haft āsmāñ banānā hai
isī jahāñ ko mujhe do-jahāñ banānā hai
bhaTak rahā hai akelā jo koh-o-sahrā meñ
us ek aadmī ko kārvāñ banānā hai
ye shāḳh-e-gul jo ghirī hai hazār kāñToñ meñ
mujhe isī se nayā gulsitāñ banānā hai
maiñ jāntā huuñ mujhe kyā banānā hai lekin
vahāñ banāne se pahle yahāñ banānā hai
charāġh le ke use shahr shahr DhūñDhtā huuñ
bas ek shaḳhs mujhe rāz-dāñ banānā hai
hameñ bhī umr-guzārī to karnī hai 'akbar'
unheñ bhī mashġhala-e-dil-barāñ banānā hai
abhi zamin ko haft aasman banana hai
isi jahan ko mujhe do-jahan banana hai
bhaTak raha hai akela jo koh-o-sahra mein
us ek aadmi ko karwan banana hai
ye shaKH-e-gul jo ghiri hai hazar kanTon mein
mujhe isi se naya gulsitan banana hai
main jaanta hun mujhe kya banana hai lekin
wahan banane se pahle yahan banana hai
charagh le ke use shahr shahr DhunDhta hun
bas ek shaKHs mujhe raaz-dan banana hai
hamein bhi umr-guzari to karni hai 'akbar'
unhen bhi mashghala-e-dil-baran banana hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
