abr-e-baran ka intizar kiya

abr-e-bārāñ kā intizār kiyā

jab kabhī diida ashk-bār kiyā

tum to phūloñ kī raah se guzre

maiñ ne ne kāñToñ ko rahguzār kiyā

irtiqā-e-yaqīñ kā zāmin huuñ

jab se imkāñ pe e.atibār kiyā

rakh kar aapas meñ iḳhtilāf sadā

ham ne īmāñ ko sharmsār kiyā

yuuñ to hākim bahut hī aa.e yahāñ

ḳhatm kis ne par intishār kiyā

rab kā ehsān maano ki rab ne

nūr-e-haq ham pe āshkār kiyā

abr-e-baran ka intizar kiya

jab kabhi dida ashk-bar kiya

tum to phulon ki rah se guzre

main ne ne kanTon ko rahguzar kiya

irtiqa-e-yaqin ka zamin hun

jab se imkan pe eatibar kiya

rakh kar aapas mein iKHtilaf sada

hum ne iman ko sharmsar kiya

yun to hakim bahut hi aae yahan

KHatm kis ne par intishaar kiya

rab ka ehsan mano ki rab ne

nur-e-haq hum pe aashkar kiya