abr hun aur barasne ko bhi tayyar hun main

abr huuñ aur barasne ko bhī tayyār huuñ maiñ

tujh ko sairāb karūñgā ki dhuāñ-dhār huuñ maiñ

ab to kuchh aur hī ḳhatrāt se do-chār huuñ maiñ

apne hī sar pe laTaktī huī talvār huuñ maiñ

tab maiñ ik aañkh thā jab to koī manzar bhī na thā

aaj tasvīr hai to naqsh-ba-dīvār huuñ maiñ

hijr ke ba.ad ke manzar kā kināya huuñ koī

ik dhuāñ sā pas-e-dīvār-e-shab-e-tār huuñ maiñ

merā sarmāya to bas manzar-e-be-manzarī hai

shahr-e-be-aks kā ik ā.īna-bardār huuñ maiñ

Daal ke sar ko girebāñ meñ laraz uThtā huuñ

muTThī-bhar ḳhaak nahīñ ek siyah ġhaar huuñ maiñ

dekh shāmil hī nahīñ is meñ koī mere sivā

dekh kis qāfila-e-zāt kā sālār huuñ maiñ

bas yahī hai mire hone kā javāz aur surāġh

ik na hone se miyāñ bar-sar-e-paikār huuñ maiñ

abr hun aur barasne ko bhi tayyar hun main

tujh ko sairab karunga ki dhuan-dhaar hun main

ab to kuchh aur hi KHatraat se do-chaar hun main

apne hi sar pe laTakti hui talwar hun main

tab main ek aankh tha jab to koi manzar bhi na tha

aaj taswir hai to naqsh-ba-diwar hun main

hijr ke baad ke manzar ka kinaya hun koi

ek dhuan sa pas-e-diwar-e-shab-e-tar hun main

mera sarmaya to bas manzar-e-be-manzari hai

shahr-e-be-aks ka ek aaina-bardar hun main

Dal ke sar ko gireban mein laraz uThta hun

muTThi-bhar KHak nahin ek siyah ghaar hun main

dekh shamil hi nahin is mein koi mere siwa

dekh kis qafila-e-zat ka salar hun main

bas yahi hai mere hone ka jawaz aur suragh

ek na hone se miyan bar-sar-e-paikar hun main