abr ka TukDa ho jaise chand par Thahra hua
Interesting Fact
July 1960
abr kā TukḌā ho jaise chāñd par Thahrā huā
yuuñ tire mukhḌe pe zulfoñ kā ghanā saaya huā
qurb kī lazzat se āñkhoñ meñ ghaTā sī chhā ga.ī
aur ye dil hai sharābī kī tarah bahkā huā
dil samajhtā hai tirī raftār ke uslūb ko
tū abhī aayā nahīñ aur hashr sā barpā huā
āshnā.ī kī havā dil ke chaman meñ kyā chalī
har gul-e-manzar nazar aayā mujhe dekhā huā
ab kisī ġham kā sitāra bhī nahīñ raushan 'nadīm'
kyā mirī āñkhoñ meñ koī chāñd hai niklā huā
abr ka TukDa ho jaise chand par Thahra hua
yun tere mukhDe pe zulfon ka ghana saya hua
qurb ki lazzat se aankhon mein ghaTa si chha gai
aur ye dil hai sharabi ki tarah bahka hua
dil samajhta hai teri raftar ke uslub ko
tu abhi aaya nahin aur hashr sa barpa hua
aashnai ki hawa dil ke chaman mein kya chali
har gul-e-manzar nazar aaya mujhe dekha hua
ab kisi gham ka sitara bhi nahin raushan 'nadim'
kya meri aankhon mein koi chand hai nikla hua
- Book : Shola-e-Khushboo (Pg. 177)
- Author : Salahuddin Nadeem
- Publication : Raheel Salahuddin (1984)
- Edition : 1984
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
