abr san har-chand rakkha chashm ko pur-ab hum

abr saañ har-chand rakkhā chashm ko pur-āb ham

kar sake par kisht ulfat kā nahīñ shādāb ham

hijr kī ātish ne aisā qurb-e-dil paidā kiyā

be-qarārāna taḌapte ab haiñ juuñ sīmāb ham

chhā ga.iiñ zulfeñ kisī mukhḌe pe juuñ ākās puuñ

ḳhud-baḳhud khāte haiñ pech-o-tāb juuñ lailāb ham

gard-bād-āsā paḌe phirte haiñ bāġh-o-rāġh meñ

maskan-o-māvā kahāñ rakhte haiñ dar-yak-bāb ham

dekh lene de tū apne kaan kā būñdā hameñ

phir kahāñ pāveñge zālim ye dur-e-nāyāb ham

zindagī phuslā ke laa.ī yaañ hazār afsos aah

phañs ga.e be-tarah is duniyā ke dar ḳhullāb ham

yaañ hai fikr-e-ma.īshat vaañ hai andesha ma.aad

haiñ ba-girdāb-e-ġham-e-duniyā-e-dūñ ġharqāb ham

munkashif hotī haqīqat marg gar roz-e-alast

hargiz ai dahr az adam karte nahīñ peshāb ham

mat kar 'afrīdī' ko is maslaḳh meñ pāband āḳhirash

zab.h ho jāveñge tere haath ai qassāb ham

abr san har-chand rakkha chashm ko pur-ab hum

kar sake par kisht ulfat ka nahin shadab hum

hijr ki aatish ne aisa qurb-e-dil paida kiya

be-qararana taDapte ab hain jun simab hum

chha gain zulfen kisi mukhDe pe jun aakas pun

KHud-baKHud khate hain pech-o-tab jun lailab hum

gard-baad-asa paDe phirte hain bagh-o-ragh mein

maskan-o-mawa kahan rakhte hain dar-yak-bab hum

dekh lene de tu apne kan ka bunda hamein

phir kahan pawenge zalim ye dur-e-nayab hum

zindagi phusla ke lai yan hazar afsos aah

phans gae be-tarah is duniya ke dar KHullab hum

yan hai fikr-e-maishat wan hai andesha maad

hain ba-girdab-e-gham-e-duniya-e-dun gharqab hum

munkashif hoti haqiqat marg gar roz-e-alast

hargiz ai dahr az adam karte nahin peshab hum

mat kar 'afridi' ko is maslaKH mein paband aaKHirash

zabh ho jawenge tere hath ai qassab hum