abr sarka chand ki chehra-numai ho gai
abr sarkā chāñd kī chehra-numā.ī ho ga.ī
ik jhalak dekhā use aur āshnā.ī ho ga.ī
so gayā to ḳhvāb apne ghar meñ le aa.e mujhe
jaise merī vaqt se pahle rihā.ī ho ga.ī
mere kamre meñ koī tasvīr pahle to na thī
us ko dekhā saade kāġhaz par chhapā.ī ho ga.ī
maiñ khulī chhat se utar aayā bhare bāzār meñ
sāmne khiḌkī kī raunaq jab parā.ī ho ga.ī
uḌ rahī hai har taraf sūraj ke añgāre kī raakh
bujh gayā din jal ke ḳhākistar ḳhudā.ī ho ga.ī
kaash jīte-jī shajar saa.e meñ le letā mujhe
vasl ke mausam se pahle hī judā.ī ho ga.ī
bah chuke aañsū to chashm-e-sabz kā rañg uḌ gayā
rafta rafta zard is dariyā kī kaa.ī ho ga.ī
ho ga.ī 'shāhid' vo chashm-e-sañg paanī kyā huā
kis tarah nāḳhun se patthar par khudā.ī ho ga.ī
abr sarka chand ki chehra-numai ho gai
ek jhalak dekha use aur aashnai ho gai
so gaya to KHwab apne ghar mein le aae mujhe
jaise meri waqt se pahle rihai ho gai
mere kamre mein koi taswir pahle to na thi
us ko dekha sade kaghaz par chhapai ho gai
main khuli chhat se utar aaya bhare bazar mein
samne khiDki ki raunaq jab parai ho gai
uD rahi hai har taraf suraj ke angare ki rakh
bujh gaya din jal ke KHakistar KHudai ho gai
kash jite-ji shajar sae mein le leta mujhe
wasl ke mausam se pahle hi judai ho gai
bah chuke aansu to chashm-e-sabz ka rang uD gaya
rafta rafta zard is dariya ki kai ho gai
ho gai 'shahid' wo chashm-e-sang pani kya hua
kis tarah naKHun se patthar par khudai ho gai
- Book : Subh-e-safar (Pg. 59)
- Author : Saleem Shahid
- Publication : Ham asr, Lahore (1971)
- Edition : 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
