achambha hoga us se ru-baru Takraega aadam

achambhā hogā us se rū-barū Takrā.egā aadam

achānak se dar-e-jā-e-ḳhudā khaḌkā.egā aadam

sadā-e-haq hai dil-ārā tumhāre naam kā nā'ra

tumhārā naam le le kar rihā.ī pā.egā aadam

hameñ banñā paḌegā alien varna mire pyāre

tujhe bhī khā.egā aadam mujhe bhī khā.egā aadam

ḳhudā-e-'adl kā qānūn to dekho zarā 'jānif'

kahāñ se aayā hai aadam kahāñ par jā.egā aadam

kisī din irtiqā.ī silsila us had pe jā.egā

bhaḌakte shams par apnī ghaTā barsā.egā aadam

achambha hoga us se ru-baru Takraega aadam

achanak se dar-e-ja-e-KHuda khaDkaega aadam

sada-e-haq hai dil-ara tumhaare nam ka na'ra

tumhaara nam le le kar rihai paega aadam

hamein banna paDega alien warna mere pyare

tujhe bhi khaega aadam mujhe bhi khaega aadam

KHuda-e-'adl ka qanun to dekho zara 'jaanif'

kahan se aaya hai aadam kahan par jaega aadam

kisi din irtiqai silsila us had pe jaega

bhaDakte shams par apni ghaTa barsaega aadam