achchha-KHasa hisab hun main bhi

achchhā-ḳhāsā hisāb huuñ maiñ bhī

dushmanī kā javāb huuñ maiñ bhī

mere andar hai ik jahāñ dekho

fikr-o-fan kī kitāb huuñ maiñ bhī

mujh se baaqī hai raunaq-e-gulshan

ik mahaktā gulāb huuñ maiñ bhī

ek tū hī nahīñ zamāne meñ

tujh sā ḳhāna-ḳharāb huuñ maiñ bhī

sub.h hote hī ḳhatm ho jaa.e

aisī shabnam kā ḳhvāb huuñ maiñ bhī

nāqido ik nazar idhar bhī ho

daur-e-hāzir kā baab huuñ maiñ bhī

ik ta.āruf 'nazar' hai itnā sā

shā.er-e-inqalāb huuñ maiñ bhī

achchha-KHasa hisab hun main bhi

dushmani ka jawab hun main bhi

mere andar hai ek jahan dekho

fikr-o-fan ki kitab hun main bhi

mujh se baqi hai raunaq-e-gulshan

ek mahakta gulab hun main bhi

ek tu hi nahin zamane mein

tujh sa KHana-KHarab hun main bhi

subh hote hi KHatm ho jae

aisi shabnam ka KHwab hun main bhi

naqido ek nazar idhar bhi ho

daur-e-hazir ka bab hun main bhi

ek taaruf 'nazar' hai itna sa

shaer-e-inqalab hun main bhi