aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

achchhi guzar rahi hai dil-e-KHud-kafil se

Ahmad Javaid

achchhi guzar rahi hai dil-e-KHud-kafil se

Ahmad Javaid

MORE BYAhmad Javaid

    achchhī guzar rahī hai dil-e-ḳhud-kafīl se

    lañgar se roTī lete haiñ paanī sabīl se

    duniyā koī daaġh mire dil ko kyā lage

    māñgā na ik diram bhī kabhī is baḳhīl se

    kyā boriyā-nashīñ ko havas taaj o taḳht

    kyā ḳhāk-āshnā ko ġharaz asp o fiil se

    dil taraf se ham kabhī ġhāfil nahīñ rahe

    karte haiñ pāsbānī-e-shahr us fasīl se

    gahvāra-e-safar meñ khulī hai hamārī aañkh

    ta.amīr apne ghar huī sañg-e-mīl se

    ik shaḳhs bādshāh to ik shaḳhs hai vazīr

    goyā nahīñ haiñ donoñ hamārī qabīl se

    duniyā mire paḌos meñ ābād hai magar

    merī duā-salām nahīñ us zalīl se

    'jāved' ek ġham ke sivā dil meñ hai bhī kyā

    ham ghar chalā rahe haiñ matā-e-qalīl se

    achchhi guzar rahi hai dil-e-KHud-kafil se

    langar se roTi lete hain pani sabil se

    duniya ka koi dagh mere dil ko kya lage

    manga na ek diram bhi kabhi is baKHil se

    kya boriya-nashin ko hawas taj o taKHt ki

    kya KHak-ashna ko gharaz asp o fil se

    dil ki taraf se hum kabhi ghafil nahin rahe

    karte hain pasbani-e-shahr us fasil se

    gahwara-e-safar mein khuli hai hamari aankh

    tamir apne ghar ki hui sang-e-mil se

    ek shaKHs baadshah to ek shaKHs hai wazir

    goya nahin hain donon hamari qabil se

    duniya mere paDos mein aabaad hai magar

    meri dua-salam nahin us zalil se

    'jawed' ek gham ke siwa dil mein hai bhi kya

    hum ghar chala rahe hain mata-e-qalil se

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now