اچھی تھی یا بری تھی بس اک حال پر گئی

اچھی تھی یا بری تھی بس اک حال پر گئی

یہ زندگی گزرنے کی شے تھی گزر گئی

رہزن ہوں جس کے رہنما اس کارواں کی خیر

کس رہگزر سے پوچھوں کہ منزل کدھر گئی

وہ حرف حق وہ جستجو یہ حسرتوں کے ڈھیر

لاشیں پڑی ہوئی ہیں جہاں تک نظر گئی

کس کھو میں منہ چھپائے ہیں جن کے بڑے تھے بول

وہ انقلاب خیز حکایت کدھر گئی

اس دور میں جو دیکھے ہیں منظر نہ پوچھئے

جھوٹوں کے ہاتھوں سچوں کی ٹوپی اتر گئی

سہما ہوا ضمیر ہے تالے زباں پہ ہیں

حق مر گیا یہ شہر میں کیسے خبر گئی