achchhi thi ya buri thi bas ek haal par gai

achchhī thī yā burī thī bas ik haal par ga.ī

ye zindagī guzarne kī shai thī guzar ga.ī

rahzan hoñ jis ke rahnumā us kārvāñ kī ḳhair

kis rah-guzar se pūchhūñ ki manzil kidhar ga.ī

vo harf-e-haq vo justujū ye hasratoñ ke Dher

lāsheñ paḌī huī haiñ jahāñ tak nazar ga.ī

kis kho meñ muñh chhupā.e haiñ jin ke baḌe the bol

vo inqilāb-ḳhez hikāyat kidhar ga.ī

is daur meñ jo dekhe haiñ manzar na pūchhiye

jhūToñ ke hāthoñ sachchoñ kī Topī utar ga.ī

sahmā huā zamīr hai taale zabāñ pe haiñ

haq mar gayā ye shahr meñ kaise ḳhabar ga.ī

achchhi thi ya buri thi bas ek haal par gai

ye zindagi guzarne ki shai thi guzar gai

rahzan hon jis ke rahnuma us karwan ki KHair

kis rah-guzar se puchhun ki manzil kidhar gai

wo harf-e-haq wo justuju ye hasraton ke Dher

lashen paDi hui hain jahan tak nazar gai

kis kho mein munh chhupae hain jin ke baDe the bol

wo inqilab-KHez hikayat kidhar gai

is daur mein jo dekhe hain manzar na puchhiye

jhuTon ke hathon sachchon ki Topi utar gai

sahma hua zamir hai tale zaban pe hain

haq mar gaya ye shahr mein kaise KHabar gai