ada ke tausan par us sanam ko jo aaj humne sawar dekha

adā ke tausan par us sanam ko jo aaj ham ne savār dekhā

to hilte hī Tuk inaañ ke kyā kyā kuchalte sabr-o-qarār dekhā

jhapak pe mizhgāñ ke jab nigah kī to us ne ik pal meñ hosh uḌāyā

jo chashm-o-ġhamza kī tarz dekhī to jaadū is kā shi.ār dekhā

jo dekhī us kī vo teġh-e-abrū to jī ko haibat ne aan gherā

nigah jo kākul ke daam par kī to dil ko is kā shikār dekhā

hinā jo hāthoñ meñ us ke dekhī to rañg dil kā huā ajab kuchh

kamar bhī dekhī to aisī nāzuk ki ho bhī is par nisār dekhā

vo dekh letā hamārī jānib to is meñ hotī kuchh aur ḳhūbī

par us ne hargiz idhar na dekhā 'nazīr' ham ne hazār dekhā

ada ke tausan par us sanam ko jo aaj hum ne sawar dekha

to hilte hi Tuk inan ke kya kya kuchalte sabr-o-qarar dekha

jhapak pe mizhgan ke jab nigah ki to us ne ek pal mein hosh uDaya

jo chashm-o-ghamza ki tarz dekhi to jadu is ka shiar dekha

jo dekhi us ki wo tegh-e-abru to ji ko haibat ne aan ghera

nigah jo kakul ke dam par ki to dil ko is ka shikar dekha

hina jo hathon mein us ke dekhi to rang dil ka hua ajab kuchh

kamar bhi dekhi to aisi nazuk ki ho bhi is par nisar dekha

wo dekh leta hamari jaanib to is mein hoti kuchh aur KHubi

par us ne hargiz idhar na dekha 'nazir' hum ne hazar dekha