ادا مجھ کو نہ کوئی راس آئی
ادا مجھ کو نہ کوئی راس آئی
مجھے بس دید تیری راس آئی
غلامی کی پڑی تھی جن کو عادت
انہیں کب تاج داری راس آئی
یقیناً وہ ترا دیوانہ ہوگا
جسے ٹوٹی چٹائی راس آئی
مسلسل زخم ہم کو تو ملے ہیں
ہمیں کب زندگانی راس آئی
دعا کی اہمیت میں جانتا ہوں
مصیبت میں دعا ہی راس آئی
کوئی قصہ نہ آیا راس دل کو
محبت کی کہانی راس آئی
مقدر ہے قمرؔ تاریک جن کا
کب ان کو ضو فشانی راس آئی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
