ada mujhko na koi ras aai

adā mujh ko na koī raas aa.ī

mujhe bas diid terī raas aa.ī

ġhulāmī kī paḌī thī jin ko 'ādat

unheñ kab tāj-dārī raas aa.ī

yaqīnan vo tirā dīvāna hogā

jise TuuTī chatā.ī raas aa.ī

musalsal zaḳhm ham ko to mile haiñ

hameñ kab zindagānī raas aa.ī

du'ā kī ahmiyat maiñ jāntā huuñ

musībat meñ du'ā hī raas aa.ī

koī qissa na aayā raas dil ko

mohabbat kī kahānī raas aa.ī

muqaddar hai 'qamar' tārīk jin kā

kab un ko zau-fishānī raas aa.ī

ada mujh ko na koi ras aai

mujhe bas did teri ras aai

ghulami ki paDi thi jin ko 'adat

unhen kab taj-dari ras aai

yaqinan wo tera diwana hoga

jise TuTi chatai ras aai

musalsal zaKHm hum ko to mile hain

hamein kab zindagani ras aai

du'a ki ahmiyat main jaanta hun

musibat mein du'a hi ras aai

koi qissa na aaya ras dil ko

mohabbat ki kahani ras aai

muqaddar hai 'qamar' tarik jin ka

kab un ko zau-fishani ras aai